مشروع الدفايات الحريمىى والرحالى والاطفالى
مشروع صغير لكن بسرعه جدا بيكبر ومكسبه مضمون 100%اهم شيئ اكسب قليل تبيع كتير ازاى هبدأ وامتى هبدأ تابعونى هقولكم كل التفاصيل
اهلا بيكم اعزائى المتابعين لو كنتم اول مره تزورونى اشتركوا ف مدونه الربح هذه لكى يصلكم كل جديد
ولأى سؤال او استفسار اكتبولى ف التعليقات هرد عليكم
وللاشتراك على قناه اليوتيوب
اللينك مش بيفتح ف القناه اسمها
مع ميدا
https://www.youtube.com/channel/UCGE3bt_Zv-GlV5xDD0SjciA
مشروع النهارده يخص ملابس الكبار والصغار والرجال والنساء وهو الدفايات الشتويه اللى كلنا بنحتاجها ف الشتا
الوقت المناسب دلوقتى ابدأوا دلوقتى المكان المناسب طبعا مش هنروح ندور على مصانع لان دى بتبدأ تديله من 5او 10دست ولو انت معندكش محل يبقى ملوش لازمه
انما تقدر تشترى من تجار الجمله بالدسته والنص دسته
ازاى توصلهم ببساطه هقولك بمنتهى السهوله لو انت من القاهره او اى محافظه تانيه هتنزل وسط البلد الموسكى وبالتحديد حاره اليهود ممر الحاجه سعديه
انت كده ف المكان المناسب ادى لنفسك ساعتين ثلاثه تلف فيهم وتتفرج وتدور وتشيل على قد فلوسك المهم التنوع
حريمى اطفالى رجالى تقدر تبدأ بحاجه واحده ابتداء من ٥٠٠ج اما حريمى واطفالى او رجالى واطفالى
معاك لحد ١٠٠٠ج اشترى وروح بيتك ابدأ اختار مكان مناسب للتصوير وصور حاجتك بالمقاسات وابدأ اعرض بضاعتك على مواقع التواصل الاجتماعى
اهم حاجه المقاسات لأن اللبس بيكون مرقم بأرقام او مقاسات ممكن تكون غير صحيحه فلازم يكون في مازوره قياس وتكتب مقاسات الحاجه للعميل بالسم واكتبوا مقاسات كل رقم ف ورقه عشان يسهل عليكم الموضوع
بكده هيسهل عليكم وتتجنبوا اى مرتجعات واى تضييع وقت وخساره
كمان تقدروا من نفش المكان ف الموسكر تروحوا شارع الشوازليه وتسألوا على مول القدس وهتلاقوا السعر اعلى ولكن تقدروا تختاروا قطع ومقاسات والوان
يعنى مش شرط تشتروا دسته او نص دسته كمان فى شارع الشوازليه محلات ملابس اطفال ومواليد انصحكم بالدسته او النص ارخص وافضل وكمان ايشاربات حجاب بجميع اشكالها وانواعها والوانها كمان هتلاقوا مفروشات دفايات وملايات واطقم والحفه وبطاطين
خدوا وقتكم كويس اوى فى المشوار واسألوا عن الاسعار وتوكلوا على الله قبل كل شيئ
واخيرا متنسوق حق اليتانى والفقراء من بضاعتهم
رزقكم هيزيد والتوفيق من عند الله كمان هيزيد رزقكم الله وايانا الرزق والصحه وشكرا لحسن متابعتكم ولاى استفسار اتركولى تعليقاتكم
تعليقات
إرسال تعليق